Hekla spáir verðlækkun notaðra bíla

Í fréttum á miðvikudaginn, 22. nóv., kom fram hjá forstjóra bílaumboðsins Heklu, að verð notaðra bíla muni lækka á næstu misserum. Á næstu 1-2 árum.

Mun meiri afföll erlendis en hér á landi

Helstu rök forstjórans fyrir þessari spá er sú að afföll hér á landi séu lægri en afföll á nágrannalöndum okkar. Þetta er rétt hjá forstjóranum þó saman hafi dregið undanfarin ár. Mun meiri munur var fyrir nokkrum árum.

Fagmennska nauðsynleg við sölu til bílaleiga

Aukin sala á bílum til bílaleiga hefur einnig áhrif á verðfall notaðra bíla skv. fréttinni því flestir bílaleigubílar eru seldir með svokölluðum endurkaupaskilmálum, þ.e. viðeigandi bílaumboð semur þá um að taka þá til baka að 15 mánuðum liðnum.

Það er mjög mikilvægt að sala til bílaleiga og endurkaup bílanna sé stýrt af fagmennsku til að afstýra verðfalli á bílum sem bílaleigur kaupa. Það er mikilvægt fyrir almenna bílkaupendur, bílaumboð og einnig fyrir bílaleigurnar. Brimborg hefur lagt mikla áherslu á þetta og selur aðeins takmarkað magn til bílaleiga á hverju ári og dreifir magninu á nokkrar bíltegundir og nokkrar bílgerðir til að yfirfylla ekki markaðinn við endurkaupin. Mörg dæmi eru um að bílaumboð hafi ekki hugað að þessu og lagt of mikið kapp á söluna í upphafi en ekki hugleitt afleiðingarnar við endurkaupin. Kapp er best með forsjá.

Nýir bílar öruggari en eldri bílar

Einnig telur forstjórinn að mikil þróun í nýjum bílum hvað varðar eyðslu, mengun og öryggisbúnað hafi áhrif. Á undanförnum árum hefur orðið gífurleg þróun í nýjum bílum. Meiri búnaður, sparneytnari bílar, vistmildari og ekki síst öruggari hafa litið dagsins ljós. Sænskar rannsóknir, t.d. rannsóknir Folksam í Svíþjóð, hafa sýnt fram á að 5 ára gamlir bílar eru t.d. margfalt öruggari en 10 ára gamlir bílar og nýjir bílar ennfremur mun öruggari en 5 ára gamlir bílar. Á sama tíma hefur verð nýrra bíla í raun lækkað að raunvirði og sérstaklega ef tekið er tillit til aukins búnaðar og aukinnar tækni eins og nefnt var. Því er ljóst að þetta hefur áhrif til verðlækkunar notaðra bíla.

Með því að smella á þessa slóð má hlusta á viðtalið við forstjóra Heklu, Knút G. Hauksson, um væntanlega verðlækkun á notuðum bílum.

Egill Jóhannsson, framkvæmdastjóri

Hafðu samband: [e-mail]

Tveir heimsmeistaratitlar í hús hjá Brimborg

Það hafa verið að berast góðar fréttir í hús til Brimborgar undanfarið. Tveir heimsmeistaratitlar í húsi.

Fyrst skal nefna að franski ökuþórinn, Sebastian Loeb, hefur tryggt sér heimsmeistaratitil ökumanna í ralli fyrir árið 2006 jafnvel þó enn sé ein keppni eftir. Loeb hefur sýnt snilldartilþrif í rallinu en hann ekur á Citroën. Nánar er fjallað um þetta á Citroën blogginu sem þú getur lesið með því að smella hér.

Þá er að nefna að um helgina krækti Ford sér í heimsmeistaratitil bílaframleiðenda í ralli fyrir árið 2006 þó ein keppni sé eftir. Þetta er stór áfangi fyrir Ford. Nánar er fjallað um þetta á Ford blogginu og þú þarft bara að smella hér til að komast þangað.

Það er ástæða til að fagna þessum frábæra árangri.

Þórður Jónsson, framkvæmdastjóri sölusviðs

Hafðu samband: [e-mail]

Nýyrði vantar yfir "Crossover" bíla

Ástkæra, ylhýra málið okkar, íslenskan, á það skilið að við reynum af fremsta megni að finna góð íslensk orð yfir ný erlend orð sem eru að ná útbreiðslu t.d. sökum nýrrar tækni. Ég sá á vefnum þennan vef þar sem óskað er eftir tillögum að nokkrum orðum. Eitt orðið vakti sérstaka athygli mína. Það er orðið "Crossover". Ég er nefnilega að leita að góðu orði yfir sama orð þó í aðeins annarri merkingu en þetta sem ég sá á vefnum. 

Ég skrifaði um daginn á Ford bloggið um svokallaða "Crossover" bíla. Um þá má lesa hér. Þessi gerð bíla verður sífellt vinsælli og er hægt og sígandi að taka yfir hina hefðbundnu jeppa eins og Toyota Landcruiser. Þeir deyja út smátt og smátt.

Einn fyrsti bíllinn í þessum flokki bíla var t.d. Volvo XC70 sem er fjórhjóladrifinn fólksbíll í station útgáfu en er með veghæð jeppans. Yfrbyggingin líkist frekar fólksbíl en jeppa og auðvelt er að setjast inn því hann er ekki eins hár og jeppar hvað sætisstöðu varðar þó hann sé jafn hár eða hærri en t.d. Landcusier undir lægsta punkt.

Síðan er önnur gerð "Crossover" bíla sem er eins og ég fjallaði um um daginn. Það var Ford Edge sem er að koma á markað í Bandaríkjunum í nóvember og sjá má hér. Svipaður bíll er t.d. Lexus RX350 eins og sjá má hér.

Þessi bílar eru eins og Volvo XC70 með fjórhjóladrif og veghæð jeppa en yfirbyggingin er hærri og því líkari jeppum hvað það varðar. En um leið er sætishæðin líka hærri þó hún sé heldur undir sætishæð hefðbundinna jeppa. Þessir bílar hafa oft verið kallaðir hér á landi Sportjeppar.

Nú væri gaman að heyra í einhverjum lesendum hvort þeir hafi hugmynd um betri orð yfir þessar tvær tegundur bíla:

Volvo XC70:

Ford Edge:

Endilega setjið athugasemdir í kommentakerfið. 

Nýjar bloggfærslur á Brimborgar bloggunum

Það eru komnar nýjar færslur á Ford og Citroën bloggunum.

Á Ford bloggið er komin færsla um Ford Shelby Mustang GT500. Smelltu hér til að lesa.

Á Citroën blogginu er færsla sem fjallar um kostun Citroën á Eddunni núna um helgina og þar getur þú horft á kostunarstikluna. Smelltu hér til að lesa.

Fyrirtækjablogg í umræðunni

Viðskiptablaðið fjallar í dag um fyrirtækjablogg. Umfjöllunin kemur í kjölfar umræðunnar sem hefur vaknað um þessa leið til samskipta í viðskiptum eftir að Brimborg byrjaði að blogga.

Lestu greinina með því að smella hér.

Breytingar á Brimborgarblogginu

Blogg Brimborgar hefur vakið gríðarlega athygli. Brimborg hóf að blogga 23. okt. 2006. Brimborgarbloggið kom í kjölfar míns eigins bloggs sem stofnað var 8. september. 2006. Samanlagt hafa næstum 13 þúsund heimsóknir verið skráðar á bloggin á þessum stutta tíma.

Fjölmiðlar hafa vakið máls á blogginu og það er rætt víða í viðskiptalífinu. Fjölmargir hafa lagt orð í belg í athugasemdakerfinu, sumir jafnvel misst sig (fjórir ) en aðrir mjög ánægðir og enn fleiri hafa sent okkur tölvupóst eða hringt til að fagna þessu framtaki. Það er ljóst að Brimborg hefur brotið blað með þessu frumkvæði hér á landi og ný leið til samskipta við viðskiptavini er að ryðja sér til rúms.

Í dag fékk ég símtal frá manni sem starfar í fyrirtæki sem hefur sterka stöðu á vefnum hér á landi. Lýsti hann yfir mikilli ánægju með þetta framtak og benti á að hann hefði sótt námskeið um daginn á vegum ÍMARK þar sem fyrirtækjablogg hefði meðal annars verið ítarlega fjallað um. Fjölmargir aðrir aðilar á þessu sviði hafa einnig haft samband og viljað fræðast meira um stefnu Brimborgar á þessu sviði og hvert við teljum að þetta leiði.

Það er ljóst að þróunin er gríðarlega ör og möguleikarnir eru endalausir. Þetta er ný leið til samskipta.

Þrátt fyrir að ekki sé langur tími, aðeins 3 vikur, síðan Brimborg hóf að blogga þá er strax kominn tími á breytingar. Það er auðvitað þannig að þegar maður fer inn á ókunn mið þá veit maður ekki nákvæmlega hvar maður mun enda. Þannig er fyrirtækjabloggið. Maður hefur engin viðmið og verður því að prófa allt sjálfur. Reka sig á. Bæta sig. Læra.

Á þessum tíma höfum við lært margt en eitt er alveg augljóst. Eitt blogg er ekki nóg. Nei, við þurfum 12 blogg. Já, nú halda flestir, ef ekki allir, að maður sé orðinn endanlega ruglaður. Ekki höfðu margir trú (reyndar enginn) á því að maður myndi ná að halda úti einu bloggi. Hvað þá tveimur þegar Brimborgarbloggið bættist við. En 12 blogg.

Er þetta ekki bara eitthvað rugl? Það er von að menn spyrji.

Nei, þetta er ekkert rugl. Ástæðan er einföld og er fullkomlega í samræmi við þróun Brimborgar og stefnu fyrirtækisins. Brimborg er umboðsaðili fjölmargra birgja. Þeir hafa mismunandi gildi og mismunandi viðskiptavini og eru í reynd gífurlega ólíkir. Því varð fljótlega ljóst að hver og einn birgi varð að fá sitt eigið blogg. Og Brimborg sitt eigið blogg. Og starfsmannafélagið óskaði fljótlega eftir eigin bloggi. Nú og svo auðvitað mitt blogg.

Hvar ætlar þetta að enda? Það er von að menn spyrji.

Svarið er aldrei. Þetta kallar á meira. Kallar á nýjar tengingar bloggins við vef Brimborgar sem við lítum á sem samskiptamiðju. Í gegnum vefinn munu viðskiptavinir í auknum mæli hafa samskipti við okkur í Brimborg. Hefðbundnar samskiptaleiðir verða auðvitað í boði áfram en samskiptin munu meir og meir fara í gegnum vefinn. Á næstu dögum og vikum munu notendur vefsins sjá breytingar í þessa átt.

Bloggin sem tengjast Brimborg eru listuð upp hér fyrir neðan. Veldu það blogg eða þau blogg sem þú hefur áhuga á eða sem hentar þér af einhverjum ástæðum. Til að einfalda hlutina þá munt þú geta nálgast bloggin í gegnum vef Brimborgar þannig að nægjanlegt er fyrir þig að muna vefslóð Brimborgar, www.brimborg.is. Þaðan verða samskiptabrautir til allra átta.

En hér koma bloggin en hafið í huga að þau eru mislangt á veg komin.

Brimborgarbloggið,

Mitt eigið blogg, egill.blog.is

Fordbloggið

Volvobloggið

Citroënbloggið

Mazdabloggið

Volvo trukkabloggið

Volvo pentabloggið

Volvo vinnuvélabloggið

Blogg starfsmannafélags Brimborgar

Lincolnbloggið

Daihatsubloggið

Við munum halda áfram að þróa bloggin og munum gera breytingar reglulega. Næst er framundan að vinna í útliti blogganna og vonandi fara að sjást breytingar á þeim vettvangi fljótlega.

Egill Jóhannsson, framkvæmdastjóri

Hafðu samband: [e-mail]

Atriði fyrir vinsælan sjónvarpsþátt mynduð í Brimborg

Eldsnemma í fyrramálið, mánudaginn 13. nóvember, mætir hingað í Brimborg hópur fólks til að taka upp tvö atriði fyrir einn af vinsælustu sjónvarpsþáttum landsins. Það verður spennandi fyrir okkur Brimborgara að fylgjast með upptökum. Kannski býður þarna tækifæri fyrir einhvern starfsmann til að krækja sér í aukahlutverk.

Egill Jóhannsson, framkvæmdastjóri

Hafðu samband: [e-mail]

Ómar R. Valdimarsson hafði Brimborg fyrir rangri sök

Frumkvöðlamenning í Brimborg 

Það er alltaf áhætta að vera brautryðjandi. En við hjá Brimborg teljum að það sé áhættunnar virði að taka skref sem aðrir þora ekki að taka. Við metum það svo að það sé í raun meiri áhætta að liggja á meltunni og taka enga áhættu. Við leggjum á það áherslu að vera brautryðjendur á helst öllum þeim sviðum sem tengjast okkar rekstri. Í skipulagi. Í markaðssetningu. Í fjármálum. Í almannatengslum. Í þróun þjónustu. Í starfsmannamálum. Í samskiptum. Í gæðamálum. Í netmálum. O.s.frv.

Brimborg fyrst íslenskra stórfyrirtækja að blogga

Í gær byrjaði Brimborg að blogga. Sennilega fyrst íslenskra stórfyrirtækja. Skref sem felur í sér margar hættur. Hættur sem við höfum kortlagt. En um leið skapar þetta skref okkur marga möguleika. Margvíslegan ávinning. Einnig kortlagt.

Brautryðjendastarf skapar oft titring, stundum illskiljanlegan

Á fyrsta degi urðum við fyrir ómaklegri árás. Ómar R. Valdimarsson birti þessa bloggfærslu á blogginu sínu í dag. Ég, fyrir hönd Brimborgar, gerði alvarlega athugasemd við bloggfærslu Ómars. Í kjölfarið viðurkennir Ómar í þessari bloggfærslu á blogginu sínu mistök sín.

Árásin snérist upp í ávinning fyrir Brimborg. Fyrir þá sem nenna að pæla má segja að þar hafi samhengi hlutanna ráðið miklu. Málinu er lokið af okkar hálfu. Við óskum Ómari velfarnaðar.

Egill Jóhannsson, framkvæmdastjóri

Hafðu samband: [e-mail]

Ómar og týnda bloggfærslan

Ómar PR maður týnir bloggfærslu

Ómar nokkur Valdimarsson, PR maður (lesist almannatengslamaður) og framkvæmdastjóri Íslenskra almannatengsla ehf., www.ispr.is skrifaði bloggfærslu á bloggið sitt og vændi mig um að hafa eytt út þessari bloggfærslu á þessu nýja bloggi Brimborgar sem er brimborg.blog.is. Út frá því ályktaði maðurinn að fyrirtækið væri ekki öruggur staður til að vera á.

Rangar forsendur valda rangri ályktun PR mannsins 

Ég var nú bara rétt í þessu að reka augun í þessa færslu hjá manninum og tel ástæðu til að leiðrétta hann. Engin bloggfærsla hefur týnst enda hefur hún verið þarna inni alveg frá því hún fór inn í gærkvöldi. Nokkru eftir að ég setti inn bloggfærsluna gerði Ómar athugasemd sem ég þakkaði fyrir og svaraði nokkrum mínútum síðar. Og svo bætti ég um betur nokkru síðar með annarri athugasemd. Þar hvet ég lesendur til að koma með athugasemdir og setja inn þau fyrirtæki sem eru farin að blogga á Íslandi í dag. Einnig setti ég spurningamerki í fyrirsögnina. Að öðru leiti er færslan nákvæmlega eins.

Brimborg er öruggur staður til að vera á

Þar sem maðurinn ályktaði út frá rangri forsendu hlýtur hann að vera sammála mér að Brimborg er einmitt öruggur staður til að vera á þegar í ljós er komið að færslan er ekki horfin. Enda augljóst mál að ég, eða Brimborg, myndi aldrei henda út bloggfærslu sem þegar er komin inn. Né athugasemdum ef út í það er farið.

Ég hef einnig sent inn athugasemdir á bloggið hans Ómars en hef upskorið þögnina eina. Ég bíð spenntur eftir afsökunarbeiðni Ómars og stend við bloggfærsluna mína.

Egill Jóhannsson, framkvæmdastjóri

Hafðu samband: [e-mail]

Brimborg fyrst íslenskra fyrirtækja til að blogga?

Tækninni fleygir fram 

Síminn þótti eitt sinn undravert samskiptatæki. Hann er það auðvitað enn en er orðinn hluti af daglegu lífi. Tekur því varla að nefna hann. Það sama á við um gemsann. Með tilkomu netsins varð tölvupóstur eitt mest notaða samskiptaformið og MSN verður sífellt vinsælla. Aðeins eru 10 ár síðan SMS kom sem ein leið til samskipta og er í dag ein vinsælasta samskiptaleiðin.

Nú er það bloggið.

Bloggið að springa út 

Á heimsvísu eru bloggsíður til í milljónavís og fjöldinn eykst með hverjum degi. Bloggsíður hafa mestmegnis verið á vegum einstaklinga hingað til. Bandarísk fyrirtæki hafa aftur á móti verið í farabroddi hvað það varðar að nota bloggið sem eina af þeim leiðum sem fyrirtæki geta notað til að hafa samskipti við sína viðskiptavini. Hægt og bítandi er þessi leið að færa út kvíarnar út fyrir Bandaríkin og nú hefur Brimborg ákveðið að taka skrefið hér á landi.

Líklega fyrsta íslenska fyrirtækið til að byrja að blogga. Bloggið er www.brimborg.blog.is.

Bloggið sem leið til samskipta 

Stjórnendur og starfsmenn Brimborgar munu nota bloggið sem samskiptaleið við viðskiptavini og fjölmiðla og í reynd við samfélagið í heild, til að koma upplýsingum á framfæri á hraðvirkan og skilvirkan hátt. Við lítum á bloggið sem viðbót við vef fyrirtækisins, www.brimborg.is, sem er í dag orðinn einn stærsti bílavefur landsins. Þú getur lesið nánar um tilgang bloggs Brimborgar með því að smella hér

Undirritaður, framkvæmdastjóri Brimborgar, hóf sjálfur að blogga þann 8. september á blogginu www.egill.blog.is og teljum við að þetta skref sem Brimborg tekur núna eðlilegt framhald af því.

Athugasemdir velkomnar

Allir lesendur eru boðnir velkomnir og hvattir til að setja inn athugasemdir, á kurteisan og yfirvegaðan hátt, um þau málefni sem bloggað er um hverju sinni. Við munum leitast við að þróa útlit og form bloggsins eftir því sem tíminn líður og meiri reynsla kemur á þetta samskiptaform.

Egill Jóhannsson, framkvæmdastjóri

Hafðu samband: [e-mail]