Skautaferð 2008

Þann 25 janúar var farið í skautaferðina miklu og hófst gleðin hálf sjö og stóð til hálf níu.
 
Fljótlega upp úr mætingu ákváðu starfsmenn Egilshallarinnar að halda brunaæfingu, öllum að óvörum og urðu því nokkrir af yngri kynslóðinni aðeins skelkaðir þegar átti að fara aftur á svellið, en þegar æfing númer tvö hafði farið fram á mjög stuttum tíma var hægt að hefja gleðina á ný og var ekki annað að sjá en að þeir sem gerðu för sína á svellið hafi bara skemmt sér konunglega.
 
Þó svo nokkrir hafi verið með frekar háar vonir um að geta flogið yfir svellið í bókstaflegri merkingu, þá enduðu þeir alltaf í harðari kantinum á svellinu aftur. Sem betur fer urðu engin meiðsl á fólki og var þar með hægt að segja að fyrirtækismottóið, Öruggur staður til að vera á, hafi haldið sér....
 
Eftir þó nokkuð skauterí voru pantaðar pizzur a la dómínos því þeir eru jú víst eins og við  "BESTIR" í sínu fagi og þýðir þvi ekkert að lækka þá staðla ;)
En eftir að hafa sporðrennt nokkrum sneiðum og skolað þeim niður með þessu líka eðal Pepsí og Appelsíni var förinni haldið aftur á svellið þar sem það voru teknir nokkrir lokahringir og nokkrar flugtaksæfingar sem enduðu sem betur fer allar vel...
 
Með von um að allir hafi skemmt sér vel,
Kveðja Stjórnin. 
 

Athugasemdir

[Margrét (IP-tala skráð) 18.2.2008 kl. 15:46]

Hæ,

Takk fyrir skemmtilega skautaferð.